_< دروس (4 / 1 )الفوتوشوب >_

[باريس]

السلام عليكم ..


صيفكم دوادمي جميعاً د4 ..

راح أستكمل الآن الدرس السابق حول النصوص , وطريقة كتابتها بأشكال حلوة د4 ..

ذكرت لكم إني باكتب ثلاث طرق واشرحها , وشرحت في الدرس السابق طريقتين ..

وهذي هي الطريقة الثالثة ..
طريقة سهلة جداً , مدة عملها ربّما ما تتجاوز النصف دقيقة ..

بس طبعاً يبيلك أولاً تتمكن من تطبيق الدرس وهو سهل أيضاً .. د4 ..


الشكل الثالث ..

أولاً , نفتح ملف عمل جديد , ونكتب وسطه أي نصّ نبي نقوم بإعطائه إضافات ..
وأنا عن نفسي جعلت الخلفية إفتراضية , وكتبت كلمة الدوادمي , وخليت لونها برتقالي .. كما في الشكل :

http://al-dawadmi.com/upload/uploads/75745d9940.gif (http://al-dawadmi.com/upload/)


الآن بعد كتابة النص , نقوم بدبل الطبقة حقة النص , يعني نروح لصندوق الطبقات , ثم نضغط على الطبقة حقة النصّ المكتوب بزرّ الماوس الأيمن ونختار الكلمة : duplicate layer .

بعد ما نضغط عليها , ونضغط على موافق , بتصير عندنا ألحين طبقتين للنص , ويصير شكل صندوق الطبقات كذا .. :

http://al-dawadmi.com/upload/uploads/b48701a22b.gif (http://al-dawadmi.com/upload/)

طبعاً أنا رقمت الطبقات بحسب وضعها , الطبقة رقم واحد هي الخلفية , ورقم اثنين هي كلمة الدوادمي اللي كتبناها أول مرة , ورقم ثلاثة هي كلمة الدوادمي الجديدة اللي دبلناها بالطريقة السابقة ..

أصبح الآن في طاولة عملنا ثلاث طبقات , الخلفية , وكلمتين الدوادمي , كلمتين الدوادمي فوق بعضهن , يعني اللي يشوفها يحسبها كلمة وحدة , لأنها أندبلت فوقها ..
وهذا اللي نبيه حنا , نبيهن يكونن فوق بعض ..

الآن نجي عند صندوق الطبقات مرة ثانية ونضغط بزر الماوس اليمين على الطبقة رقم 2 , اللي هي كلمة الدوادمي اللي كتبناها أول مرة ,, ولو تلاحظون بالصورة أنا ضغطت عليها وحددتها , لأن هي اللي بنسوي عليها الإضافات , وبتصير اللي دبلناها هي كلمة الدوادمي الثابته ..

لذلك أقول .. نضغط بزر الماوس اليمين على كلمة الدوادمي اللي في الطبقة الثانية وتتحدد باللون الأزرق ,
ثم بعدها نتجه مباشرة إلى أعلى صفحة الفوتوشوب .. عند القائمة اللي فوق بأعلى الشاشة ..

ونذهب للآتي : filter << Blur << motion blur ..
كما في الصورة :

http://al-dawadmi.com/upload/uploads/c1953487d5.gif (http://al-dawadmi.com/upload/)

أول ما نضغط عليها , راح تظهر لنا رسالة مباشرة , نضغط على موافق , أو أوكيه .
والمقصود بالرسالة اللي راح تظهر لك , يقولون لك هل تريد تحويل النصّ إلى صورة, طبعاً حنا نبي نحوّلها لصورة عشان نقدر نتحكم فيها أكثر , كل اللي عليك إنك تضغط موافق , وبعدها راح تفتح لك صفحة .. على هالشكل :

وبأحط فيها الإعدادات المناسبة .. ثم نبي نشوف الشكل النهائي ..

هذي هي الصفحة :

http://al-dawadmi.com/upload/uploads/3bd76e00ea.gif (http://al-dawadmi.com/upload/)

بعد ما نسوي هالإعدادات نضغط موافق ..

والآن نشوف الشكل النهائي لكلمة الدوادمي اللي كتبناها بالأول , راح تظهر لنا بعد هالعملية كلها بالشكل ذا :

http://al-dawadmi.com/upload/uploads/02f2914079.gif (http://al-dawadmi.com/upload/)


أعتقد بإنّه أتضح الفارق بين كتابة النص بشكل سادة وبين هالإضافة د4 ..

وبالإمكان المصمم يختار الألوان اللي يبي , كما يمكنه أيضاً أنه يجعل لكل طبقه لون مختلف , بحيث تصير الومضة اللي خلف كلمة الدوادمي بلون أحمر مثلاً , أو لون أصفر .. على حسب مزاج المصمم وعلى حسب تصميمه د4 ..

هذي تكملة للدرس اللي راح ..

وإحتمال كبير أكملّ أيضاَ الدروس بخصوص النصوص , وبعدها بنتجه لأمور أخرى د4 ..

وصيفكم دوادمي مع الأسرة النارية د14 ..

باريس ,,

[امـــونه]

أهنيك أخوي باريس على هذا النشاط وهذا الابداع ( ما شاء الله تبارك الله )
أنت مكسب بالفعل لهذا المنتدى العزيز علينا جميعاً
موفق ان شاء الله

[هدفي الفردوس]

::وهذا تطبيقي:::33:


http://www.al-dawadmi.com/vb/uploaded/715_11217401481.png

[معشي الذيب نواشف]

شكراً أخوي باريس

يعطيك العافية على الجهود العظيمة

[باريس]

أمونه شكراً على الإطراء , وهذا واجبي تجاه المنتدى أولاً , ثم الأسرة ثانياً د4 ..

وموفقة ..

---

هدفي فرري قووي د4 ..

شكراً للتفاعل د4 ..

---

معشي حي الله ذا المدري شسمه د6
وشكراً على مروروك يا تسبدي د4 ..