_< دروس (4) الفوتوشوب >_

[باريس]

السلام عليكم ..

كيف حالكم يا أسطاات ؟ د4 ..

وصيفكم دوادمي جميعاً د4 ..


أخذنا في الدروس السابقة أهم الأمور اللي يتوجب على المصمم معرفتها , وهي صندوق الأدوات , وصندوق الطبقات , ثم تعرفنا على أول طبقات العمل ,وهي الخلفية .. وأخذنا عنها نبذة مختصرة مدعومة بالصور , ثم أخذنا درس عن تقليل كثافة الصور في حال أردنا الصورة تحلّ محل الخلفية د4 ..

هالدرس بأخليه مُخصص للنصوص ..
النصوص اللي هي الكتابات .. مثل مانتم عارفين بإن النصّ المكتوب على التوقيع او على التصميم أحياناً يجذب , إن كان مضاف عليه بعض الإضافات التزيينية .. بعكس النصوص السادة .. اللي ماهوب مغيرّ عليها شيء ..

لذلك اليوم حاب اطرح لكم ثلاث طرق لجعل شكل النص أحلى د4 ..

أول طريقة وهي سهلة , بس المبتدئين ربما ما يعرفون لها , او ربّما أنهم لا يعرفون منين يضيفون هالخيار عليها ..
لذلك سأشرحها ..

وهي الظلّ .. أن تجعل النص يحوي على الظلّ .. د4 ..

بسم الله نبدأ ..

أولاً , نفتح العمل , ثم نذهب إلى أيقونة كتابة النص , ونأتي في وسط العمل ونضغط بزرّ الماوس اليسار , ويتسنى الآن لنا الكتابة , ولنفرض كتبنا " صيف الدوادمي " .. يصبح الشكل كالآتي ..

http://al-dawadmi.com/upload/uploads/8cc6c2d006.gif (http://al-dawadmi.com/upload/)

طبعاً أخترنا خلفية للتصميم .. وكذلك أخترنا لون للنص , ولون النصّ يتم إختيار عن طريق تظليل النصّ نفسه بعد كتابته , ثم تجد في أعلى الصفحة علبة للألوان , ويكون هناك لون واحد ظاهر إفتراضي ,بمجرد الضغط عليه تظهر لك علبة الألوان ثم تختار اللون اللي تبيه , وأنا أخترت البرتقالي .

الآن النصّ أمامي سادة .. ونبي نحط عليه ظلّ ..

ولعمل الظلّ عليه نطبقّ الآتي :
أولاً .. نضغط على الطبقة المخصصة للنصّ , بحيث تكون هي المُحددة , لأن النص هو اللي راح نسوي له ظلّ ..
ثانياً .. نتجه للآتي : layer >> layer style << drop shadow ..
كما في الصورة :

http://al-dawadmi.com/upload/uploads/c84403356e.gif (http://al-dawadmi.com/upload/)
بمجرد ما تضغط على " دروب شادو " , مباشرة راح يصير هناك ظلّ للنصّ , كما في الصورة ..
وطبعاً راح تظهر لك قائمة جديدة , بإمكانك تعديل خيارات الظلّ من حيث جهته , أو غموقته د4 ..

بعد ما ينحط الظل وتضغط موافق ..
بيصير عندك الشكل كذا :

http://al-dawadmi.com/upload/uploads/cbbe5722c2.gif (http://al-dawadmi.com/upload/)


واكيد ألحين لاحظتوا الإختلاف د4 ..


يتبع الدرس ... هناك طريقتين آخرتين سأدوّنها هنا .. أرجو عدم الرد حتى أضغ الطرق الثلاثة كاملة < اللي يقرى هالجملة ما راح يرد , واللي بينقز أم الموضوع عشان يقول شكراً بندري إنه ما قرى شيء د6 ..


أنتظرونا ..

[باريس]

بسم الله ..

الطريقة الثانية , وهي سهلة أيضاً , وأستخدمها أنا بكثرة د6 ..

هي وضع النص على شكل إنعكاس , ويختلف عن الظلّ , بحيث يكون كأن للنص إنعكاس على مراية , او على زجاجة ..

فمثلاً فتحنا عمل جديد , وكتبنا صيفك دوادمي كما في الصورة :

http://al-dawadmi.com/upload/uploads/a1695753e3.gif (http://al-dawadmi.com/upload/)

الآن نريد أن نضع الإنعكاس نفسه ..
طريقة وضع الإنعكاس سهلة , فقط ما عليك سوى إتبّاع الآتي :
أولاً / تذهب إلى صندوق الطبقات ( اللي شرحناه سابقاً ) وتقوم بالضغط على طبقة النص بزر الماوس الييسار للتحديد , ثم تضغط عليه بزرّ الماوس اليمين وتظهر لك قائمة , تختار منها الشكل التالي :

http://al-dawadmi.com/upload/uploads/c5f38520e8.gif (http://al-dawadmi.com/upload/)

وظيفة الأمر اللي أخترناه , هو أنه يدبل النص ..
والآن أصبح عندنا نصيّن فوق بعض .. يعني ماهوب واضح إن فيه نصيّن ..
طيب وش الفايدة من دبل النص ؟؟
أنا أقولكم ... :) ..
الفايدة إننا نحتاج النص الثاني لنجعله هو الإنعاكس .. طيب كيف ؟؟
أنا أقول لكم كيف بعد :) ..
بعد ما دبلنا الطبقة , وأصبح لدينا طبقتين للنصّ نفسه .. يكون التحديد حالياً على الطبقة العلوية , اللي فوق الثانية .. نذهب مباشرة للسهم الأسود .. السهم الأسود الموجود في قائمة الأدوات على يسار الصفحة , ونضغط عليه .. بعد الضغط عليه .. نتجه لأعلى الصفحة عند خيار , لابد من وضع علامة صح عنده . عشان يصير النص اللي أمامي محدد وبإمكاني أحرّكه أو أقلبه .. ويكون الأمر اللي يعطي هالخاصية بهالشكل :

http://al-dawadmi.com/upload/uploads/1c017d60d7.gif (http://al-dawadmi.com/upload/)

الخيار اللي محدد باللون الأحمر بالعادة ما يكون عنده علامة صح, بس بعد إختيارك لعلامة الصح يصبح النص مُحدد ومن السهل التحكم فيه ..
بعد ضغطك لعلامة الصح يتحدد النص مباشرة , ونبدأ الآن بالعمل ..

بيصير شكل النص لدينا هكذا ..

http://al-dawadmi.com/upload/uploads/e7fdd52ef7.gif (http://al-dawadmi.com/upload/)

لو تلاحظون .. هناك ثمان نقاط تحيط بالتصميم ,
اللي نريده الآن .. هو أن نتجه إلى النقطة في الوسط في الجهة العلوية ..
ونمسكها بالماوس .. ونجرّ التصميم لتحت ..
بعد جرّ التصميم لتحت , بنلاحظ إن التصميم جالس ينقلب .. يعني يصير شكله معكوس ..
وبيصير تحت الكلمة الأولى مباشرة ..

يعني بيكون بهالشكل :

http://al-dawadmi.com/upload/uploads/f339d8569f.gif (http://al-dawadmi.com/upload/)

بعد ما يصير بهالشكل , نروح لقائمة الأدوات ونضغط على السهم الأسود مرة أخرى ..
عشان يثبّت لنا الشكل بهالشكل ..
بتظهر لنا رسالة زي كذا :

http://al-dawadmi.com/upload/uploads/affaa14898.gif (http://al-dawadmi.com/upload/)

طبعاً واضح من الصورة نضغط على ويش .. على الخيار اللي على اليسار , ووقتها بيثبت الشكل ..

الآن بقى آخر خطوتين في الموضوع ويصير النص اللي أمامنا مُنعكس ..

أول هالخطوتين هو التالي :

نذهب إلى صندوق الطبقات , ونضغط بالماوس على الطبقة الخاصة بالنص المعكوس ..
ثم نقلّل من كثافة النصّ , وشرحت بالدرس الماضي طريقة تقليل الكثافة ..
نقللها للنصف أو نخليها 40 بالمية.. المهم نبيها تكون اقل من النص الأول المعتدل ..
بتصير لدينا بالشكل ذا :

http://al-dawadmi.com/upload/uploads/c157fc9aed.gif (http://al-dawadmi.com/upload/)


طبعاً بإمكاننا الآن التوقفّ ..
ولكن بالإمكان أيضاً إضافة الشغلة الثانية الأخيرة وهي للتحسين , ولجعل التصميم أكثر واقعية وكأنه بالفعل منعكس على زجاجة ..

والخطوة الثانية والأخيرة في التصميم هي التالي ..
نتجه إلى قائمة الأدوات .. ونختار من القائمة أداة الممحاة ..
بعد إختيارها نتجه لأعلى الصفحة فوق , ونختار من قائمة رؤوس الممحاة الشكل التالي :

http://al-dawadmi.com/upload/uploads/f2a59024d8.gif (http://al-dawadmi.com/upload/)

ثم بعد إختيار رأس الممحاة , نتجه إلى النص المعكوس .. ونحاول نجي تحته شوي , ثم نبدأ بالمسح ..

للمعلومية , رأس الممحاة اللي أنا أخترته له فايده , وهو يقللّ من كثافة اللون , بحيث يخلي أخفت شووي ..
ويطلع له منظر أفضل .. وطبعاً لو بدأنا بالمسح على الكلمة نفسها راح تنمسح . بس حنا بنجي تحتها بشووووي .. ونبدأ بالمسح على إمتداد الكلمة عرضاً .. من أولها لآخرها .. بس مثل ما قلت .. تحتها بشوي .. وليس عليها بالضبط ..

بالأخير راح يطلع لنا الشكل كالتالي :

http://al-dawadmi.com/upload/uploads/ae4ef2cdf7.gif (http://al-dawadmi.com/upload/)


طبعاً لأكون أمين معكم جداً , الشخص اللي يتعلمّ هالطريقة .. أنا أجزم له أنها ما راح تآخذ معه دقيقة كاملة , يمكن 50 ثانية وينتهي منها ..
بس لازم نراعي ظروف الأشخاص اللي أول مرة يحملّون الفوتوشوب , وودهم يتعلمونه , شيء طبيعي يصعب عليهم كل شيء .. حتى تلوين الخلفية بلون واحد يمكن بالنسبة لهم صعب ..
وهي كلها مدة بسيطة وممارسة خفيفة وبتبدأ تفهم فكرة الفوتوشوب وتستنتج أشياء كثيرة د4 ..


هذي الطريقة الثانية ..

والطريقة الثالثة راح تصير أسهل منها بكثير ..
الطريقة الثالثة يمكن ما راح تآخذ معك بالوقت ثلاثين ثانية , بس بعد ما تجيدها بسرعة د4 ..

موفقين خير .. ويتبع الدرس .. واحتمال ما يتبع الحين .. يمكن بالصبح :( .. ظهري أنكسر :( ..

موفقدزين د4 ..

[صف النية]

الله يعطيك العافية صراحه شرح وافي
بس يا إستاذ متى نوصل للبنر <----- مادري شفيه مستعجل

[بنت أبوها]

شكرا باريس..

وهذا عملي بصنع يدي..

وضع ضل للخلفيه

http://www.al-dawadmi.com/vb/uploaded/26_11217293086.gif (http://[/COLOR][/SIZE][/B][URL="http://www.al-dawadmi.com/vb)
وهاذي الثانيه بس تخفيف لون الكتابه المقلوبه ماجت معي والممحاه بعد :32:
في اشياء اكيد مافهمتي بس بجرب لما اضبطها :police: هذا اللي طلع معي




http://www.al-dawadmi.com/vb/uploaded/26_11217299298.gif (http://[URL]http://www.al-dawadmi.com/vb)
(http://[URL]http://www.al-dawadmi.com/vb)

[هدفي الفردوس]

:::هذا تطبيقي:::

http://www.al-dawadmi.com/vb/uploaded/715_11217305568.png



http://www.al-dawadmi.com/vb/uploaded/715_11217305617.png

[باريس]

صف النية أنت تقصد البنر والا الهيدر ؟ د6 ..

---

بنت أبوها د4 .. أكسلنت د4 .. بس وراه الثاني ما ضبط :(
حاولي تنتبهين بس لموضوع الطبقات وتحديدها .. :(
وبصراحة لو كنتي طبقتي الدرس ما راح أعرف وش المشكلة بالضبط :( ..

----


هدفي د4 براافو د4 ..
تطبيق رائع وتناسق بالألوان حلو د4