_< دروس (3) الفوتوشوب >_

[باريس]

السلام عليكم د4 ..


كيف حالكم اعضاء وزوّار د14


أخذنا درسين في اليوم اللي راح , وكانت مجملها عن بعض الأدوات المهمة للمصمم , واللي كان لابد من معرفتها قبل البدء في أي عمل تصميمي ..

طبعاً كان بوديّ أشرح بعض الأمور مثل الفلاتر وغيرها .. بس هذي مع الوقت يتعلمّها الشخص نفسه ..
ومع بعض الدروس راح نجيب طاريها .. وتترسخ في الذهن أكثر عند التطبيق د4 ..


وعقب ما أخذنا درس الطبقات نبدأ الآن مع الطبقة الأولى ..

وهي الخلفية ..

الخلفية من وجهة نظري أقسمّها لثلاث أقسام .

الأول / خلفية رسميّة , وهي عبارة عن لون واحد بس أو لونين كحد أقصى ..
كأن تخليّ خلفية تصميمك باللون الأبيض الإفتراضي مثلاً .. أو برتقالي , أو أخضر ..
او أنك تخليها أبيض ورصاصي , او أزرق وأصفر ( مانيب نصراوي د6 ) , أو أي لونين متناسقين عموماً د4 .

الثاني / وهي خلفيات الباترن , والباترن عبارة عن ملفات تحملها أنت في الفوتوشوب , بحيث إنها تكون خلفيات او أشكال ثابته .. تقدر تضعها خلفية لعملك , وراح يجي الوقت لشرح وضع الباترن على شكل خلفية د4 .

الثالث / أنك تجعل خلفية عملك عبارة عن صورة , مثل أنك تحط صورة بحر , والا صحراء , أو شكل واحد مدنق راسه وسط سيب وبجمبه درج د6 < أبوك يالوصف د8 ..

طبعاً ما أنسى أذكركم بأنه ليس بالضرورة أن تكون الخلفية من اللي حددتها أنا بس .. لأن المجال واسع في عالم التصميم , فيه أمور تقدر تضيفها , زي الفرشات اللي ذكرناها سابقاً , بإمكانك عمل خلفية من لون واحد بس , بس تضيف عليها فرشاة على شكل فراشة تطير , أو سرب حمام , بحيث تدخل هذي ضمن الخلفية د4 ..


هذا فيما يخصّ الطبقة الأولى .. اللي هي الخلفية .. والخلفية دائماً تعطي إنطباع حلو للناس اللي تتذوق التصاميم , وأحياناً تكون الخلفية من اهم الأمور اللي لابد على المصمم انه يبدع فيها .. أو يزيّنها ويخلي شكلها حلو د4 ..

راح أضع لكم الآن أشكال لخلفيات على حسب ما ذكرته لكم الآن ..

لون واحد أو لونين كما في الشكل :

http://al-dawadmi.com/upload/uploads/bd5d5afdd4.gif (http://al-dawadmi.com/upload/)

http://al-dawadmi.com/upload/uploads/a9020ec114.gif (http://al-dawadmi.com/upload/)

أو أن تكون باترن .. كما في الشكل :

http://al-dawadmi.com/upload/uploads/6b5bb31eb5.gif (http://al-dawadmi.com/upload/)

أو أن تكون صورة وهذي عاد مفتوحة المجال بإمكان المصمم إختيار أي صورة وجعلها خلفية له ..


يتبع الموضوع ....

[باريس]

أمور تفيدك في وضع الخلفية إن كانت صورة :


1- مثلاً أنت تريد وضع خلفية عملك صورة , بس أنك ما تبيها بنفس وضوح الألوان .. تبيها أقلّ كثافة ..
يعني تبي الصورة تكون شبه واضحه , أو باهته شوي , عشان يوضح النصّ اللي بتكتبه ..

وهذي طريقتها سهلة ..

فمثلاً لدينا الصورة التالية :

http://al-dawadmi.com/upload/uploads/5386194230.gif (http://al-dawadmi.com/upload/)

ونريد الآن أن نخفف الصورة قليلاً , ونقلل من كثافتها ..

أولاً : نذهب إلى طبقة الصورة ونضغط عليها لمجرد تحديدها فقط .. وتعلمنا بالدرس السابق الطبقات د4 ..
وبأجيب لكم الآن صورة توضيحية للفهم أكثر ..

http://al-dawadmi.com/upload/uploads/77d7888f54.gif (http://al-dawadmi.com/upload/)

هذي علبة الطبقات , وهذي الآن طبقتين متواجدة في العلبة .. وضغطنا بزر الماوس اليسار على الصورة اللي هي بمثابة الخلفية .. وتحددت باللون الأزرق ..

الآن نذهب إلى الأرقام اللي موجودة في أعلى علبة الطبقات ..
اللي عليها رقم 100 اللي فوق .. ونقلّل من الرقم مية , عشان تقلّ كثافة الصورة د4 ..

كما في الشكل التالي :

http://al-dawadmi.com/upload/uploads/1bd66c079e.gif (http://al-dawadmi.com/upload/)

تلاحظون معي أننا نقصنا الرقم 100 إلى الرقم 33 .. طبعاً أنا نقصته لـ 33 , أما انت على حسب مزاجك د4 ..
بإمكانك تنقصها للنصف أو الربع .. د4 ..

بعد ما نقصنا الكثافة , ظهرت لنا بالشكل ذا :

http://al-dawadmi.com/upload/uploads/cdb0ccdb34.gif (http://al-dawadmi.com/upload/)


الآن تُعتبر الصورة صالحة للكتابة عليها , وبتطلع الكتابة عليها أحلى من قبل , لأن قبل كانت ألوانها غامقة , ومن الصعب انك تكتب عليها ..

وتحط العبارة اللي تبيها , وبكذا تكون أنهيت أول تصميم لك في حياتك د6 ..


لنا عودة في دروس أخرى .. فأنتظرونا :) ..

[هلاوين]

شكراً للمبدع باريس على الموضوع الرائع


تحياتي

[باريس]

عفــــــواً ..

[KEMO^^511]

شكر لملك الابداع باريس

[هدفي الفردوس]

بورك فيك على هالدرس, بس ما أشوف أحد يطبق ليه؟؟

على العمووووم هذا تطبيقي::

قبل::

http://www.al-dawadmi.com/vb/uploaded/715_11217257227.png

بعد::

http://www.al-dawadmi.com/vb/uploaded/715_11217257279.png

[باريس]

بارك الله فيكم جميعاً ..

وشكراً هدفي على التفاعل د4 ..

[بنت أبوها]

شكرا باريس..

وهذا تطبيقي انا بعد..
:)
قبل..
http://www.al-dawadmi.com/vb/uploaded/26_11217290069.jpg (http://[URL]http://www.al-dawadmi.com/vb)

بع ـد..

http://www.al-dawadmi.com/vb/uploaded/26_11217291063.gif (http://[URL]http://www.al-dawadmi.com/vb)


:22:

[باريس]

شهّيتينا يا بنت أبوتس د6

رائع جداً د4 ..

[نعم لا]

ماشاءالله على الاستاذ
وعلى التلميذات الشاطرات اللي يطبقن الدروس

شكراً باريس

بشوف الدرس الرابع واحتمال اطبق بعدها معاكم

[ولـــ داورد ـــد]

بيض الله وجهك يا باريس
شغلك يطلق وجهك
والله اني مقصر معك ، لكن العذر والسموحه
أشغلنا السفر عنكم

[معشي الذيب نواشف]

بيض الله وجه راعي الفكره عزالله أنها تنحسب لحسابه

الله يعطيك العافيه على الطرح الجميل والأكثر من رااااائع

تقبل مروري ومافيه أمل اطبقها ياباريس