مشغل حواء تعرفونه ؟؟

[@بنت دادي@]

مرحبا بنات كيفكم ..

بدون مقدمات حابه اسالكم عن مشغل حواء احد يعرفه وكيف شغلهم وشغل ام ريان الي عندهم انا حاجزه

عندها اذا احد مجربها ياليت تفيدوني

وياليت مره وحده تقولون لي احسن مشاغل الدوادمي شني واي كوافيرات ..

ومشكورين كثير ..

[ذات كبرياء]

نفس السؤال الذي لطالما يراودني افضل مشاغل النسائيه بالدوادمي لو تكرمتم

بلنسبه لمشغل حواء أنا سمعت عنه ويمدحونه بس تجربه شخصيه لا

وأقدر أفيدك بمجوعة كوفيرات يمدحونهم إيناس فلسطينيه و ام حلا ورابعه وعلى فكره شفت شغلهم موب لمستوى الي نبيه

بس على مستوى الدوادمي معقول

[خزامى]

والله ماعندي خبره بمشاغل الدوادمي..
ان شاءالله يدخلون البنات ويفيدونك..

[@بنت دادي@]

ذات كبرياء ..تسلمين ع الرد وايناس كلمتها قبل اكلم ام ريان بس انها مشغوله ..
خزامى..تسلمين غناتي ع الرد واتمنى احد من بنات الدوادمي تعبرنا وترد علينا ..

[بنت أبوها]

بصراحه ما عندي خبره في المشاغل مره ..

لكن بسال وبرد لك لي عوده خيتووو :)

[كارينا كابور]

عندك ام سوااار شغلها حلو
وفتات داورد
واللمسة الاخيرة بس امل المغربيه طبعا صبغ وقص ماجربت مكياجها

[قطرة ندى]

بصراحة مشغل حواء فيه الكوافيرة رابعة شغلها روعة وعن تجربة
وفيه الكوافيرة ام باسل شغلها بعد روعة
وبالنسبة للويفي مافيه احد يضبطه مثل الكوافيرة ام باسل
وانا مجربتهم وشفت شغلهم على عرايس بصراحة مرة حلو وروعة

وفيه الكوافيرة سماهر شفت شغلها على بنات ماعليها بعد شغلها حلو

[قطرة ندى]

بنات وينكم يلا كل وحدة تقول لنا عن تجربتها ومن احسن كوافيرة علشان نستفيد ونفيد الكل

[لبى قلبي]

اهليين اختي الغاليه
كاان عندنا زوااج في الدوادمي
وكنت خاايفه من الكوافيره لاني مااعرف
طبعاا بناات خالي كانوا حاجزين رابعه
والله شغلها يهبل مااتوقعت
طلع مكياجها خيااال
اما المشاااغل اعذريني ماااعرفها

[ود.ود]

شـــــــــــــوفي اغسل يدك من المشاغل الي هنا احس شي بالدوادمي الكوفيره رابعه

رسمة العيون تجنن بس اساسها مررررره فاتح

اما ام ريان ........ ترسم مو حلو شغلها

[قطرة ندى]

مو كل المشاغل شغلهم مو حلو فيه بعضهم والله شغلهم حلو
وصحيح كلامك رابعة شغلها روعة ورسمة العين بعد ترسمها تهبل
ام ريان ماقد جربت شغلها
وفيه بعد الكوافيرة ام باسل انا جربت شغلها والله شغلها روعة رسمة العين اللي ترسمها تهبل
وفيه كثير كوافيرات سمعت ان شغلهم حلو بس ماقد جربت شغلهم
واتمنى البنات يتفاعلوا في هذا الموضوع لانه موضوع يهمنا كلنا في هذا الصيف لانه موسم زواجات
وتجربتها مع الكوافيرات علشان نستفيد
والله يحفظ الجميع من كل مكروه آمين

[لبى قلبي]

بالعكس راابعه شغلها كله حلو حتى الاسااس حقها يجنن
انا بصرااحه مجربته وتو مااصار لي اسبوعين
رسم العيين خيااااال

[كارينا كابور]

ترى بنات الدوادمي ماعاد يعتمدون على المشاغل الي هينا
اذا كان الزواج قريبهم مرة مثلا اخوها عمها يجيبون من الرياض وكثير الي يطلعون
اما اذا كان بعيد الي عندها خبرة تزين نفسها اطلق لان شغلنا
مايباعد شغلهم