حبايبي بنوتات الدوادمي (ابي مساعدتكم)انا ضيفتكم ؟؟

[أمل الأمه]

السلام عليكم ورحمة الله وبركاته ...

حبيباتي بنات الدوادمي .. انا ضيفه عندكم .. وزواجي راح يكون بالدوادمي

وانا مااعرف شي بالمنطقه ابي كوافيرات عرايس شغلهم حلو ..

وكمان ابي محلات كوش بعد حلو ..

واذا مافيه بالدوادمي وانتو تعرفون كوافيرات يجون من برا المنطقه ابي

الله يعافيكم ارقامهم.. ساعدوني الله يخليكم ولاتفشلوني بالرجال ..

يالله ابي فزعتكم .. انا لكم والا للذيب ...

شاكره لكم .......................................اختكم .. أمل الأمه

[سكر زيادهـ]

اهليـــن بامل
بالنسبه للرياض عندي كوفيرة تجي للدوادمي بنات خالتي متعاملات معاهن بايام زواجهن ومرة ممتازة
بس شوي غالي بحدود5000 او6000 للعروسه اذا بغيتيها قولي لي
واعطيكي الرقم وتفاهمي معاها علي السعر
اما بالنسبه للكوش شوفي بالسوق القديم محلات كوش خياليه فيه واحد جنب مكتبه الصالح عنده
تصاميم اطلبيهامنه

[أمل الأمه]

السلام عليكم ورحمة الله وبركاته ...

حبيبتي سكر زياده شاكره لك اهتمامك وردك علي .. الله لايحرمني هالطله .


ايوه حبيبتي عطيني رقم الكوافيره اللي متعاملين معاها ... وماعندي مشكله


على السعر بس اهم شي شغلها يكون حلو .. وكيفها مع المواعيد ؟؟


ملتزمه فيها .. لانو بصراحه اخاف اني اتوهق ...


وياليت تعطيني رقمها بأسرع وقت ..


واذا يمنع وضع الارقام ارسلي على الخاص ..


حياتي سكر ادري اني ازعجتك بس اعذريني لأني من جد خايفه وشايله هم


الله لايحرمك الأجر .. استناك بفارغ الصبر ...


دعواتي ترافقك دوماً .. اختك..امل ألأمه

[بدون اسم]

أمل الامه هلا بك بالدوادمي منوره الله يوفقك يارب

ان شاء الله تطلعين مثل القمر

وابشري ابجيب لك رقم كوفيره بالدوادمي شغها حلوووو

انتظريني

[أمل الأمه]

السلام عليكم ورحمة الله وبركاته ..

حبيبتي بدون اسم الدوادمي منوره بأهلها الطيبين...

الله يعطيك العافيه على الاسلوب الراقي ...

اشكرك على اهتمامك ... بليز عيوني ابي رقم الكوافيره ...

واعذريني على أسئلتي .. كيفها مع المواعيد ؟؟ ملتزمه فيها ؟؟

وهل شغلها حلو والا من نوع التلطيخ .. استناك ياقلبي .. واستنى الرقم

الله لايحرمني منكم ..

ياريت تستعجلين لأني من جد شايله هم .. الله يفرج لك ولحبيبتي سكر

همومكم ..

لن انساك من دعواتي غاليتي ... اختك..أمل الأمه

[رهينة الم ـاضي]

هلا وغلا بعروستنا امل الامه..

الله يوفقك يارب ويسعدك ويهنيك..
وبالنسبه للكوفيرات الصبايا ماقصرن واذا تبين بعد
ابشري من عيوني ولايهمك..
وحياك الله بيننا..

[أمل الأمه]

السلام عليكم .......

مراحب يالغلا .. يحييك ربي ويخليك .. فقيره ... اشكرك على رقي اسلوبك ...

حبيبتي اذا مافيه مانع ياريت تعطيني ارقام كوافيرات اذا عندك ...

ادري عيوني انو البنات ماراح يقصرون بس انا ودي بكذا وحده علشان

اجربهم كلهم واختار الي ابيها ويعجبني شغلها ...

واخيراً .. بليز ابي باسرع وقت ... شكره لك حبيبتي ...

لك ودي !!!

[سكر زيادهـ]

اوكيه راح اعطيك رقمها
بصراحه ممتازة وشغلها ماشاء الله عليها لامكياج ولاشعرالرقم بيكون عندك اليوم ان شاء الله
بس لازم تروحين لها بالمشغل بالرياض وتعطينها العربون وتختارين مكياجك
ويالتوفيق ان شاء الله

[هيا الحزينة]

هلا فيك اختي الغالية في الدوادمي
بالنسبة للكوافيرة فيه كوافيرة بالدوادمي شغلها مرة حلو وعن تجربة قد صلحت اختي في زواجها الصيف اللي فات
وبنت عمي بصراحة شغلها ومواعيدها مرة مظبوطة
بطرشلك رقمها واسمها على الخاص وان شالله اكون كذا ساعدتك والف مبروك مقدما على الزواج

[هيا الحزينة]

للأسف ما قدرت ارسلك رقم الكوافيرة على الخاص لانه مطلوب مني 100 مشاركة علشان اقدر ارسل على الخاص
لكن اذا بغيتي الرقم والتفاصيل عطيني ايميلك وانا ارسلهم لك عليه

[فارسه]

هلا فيك اختي امل

منوره المنتدى ومنوره الدوادمي .

ماطلبتي شي ان شاء الله راح ارسل لك الرقم

الكوفيره في الدوادمي وشغلها حلو ومواعيدها مضبوطه

الف مبروك ياأمل

[أمل الأمه]

السلام عليكم ورحمة الله وبركاته ...


الف شكر لك حبيباتي .. الله يبارك بأيامكم ..والله لايحرمكم الأجر ...

اخجلتوني بطيب تعاملكم .. وخلقكم الرفيع .. ربي يخليكم ...

غاليتي ... سكر زياده الله يخليك ... استناك بفارغ الصبر ...

حبيبتي هيا الحزينه .. الله يبعد الحزن عنك .. اشكرك ياقلبي

-كيف اعطيك ايميلي ؟؟ انا كمان توني جديده بالمنتدى ماقدر ارسل ..

مافيه طريقه ثانيه ؟؟ انتظر ردك ؟؟؟

حبيباتي .. فارسه .. فقيره ... الله لايحرمني منكم ..

الله يعطيكم العافيه ... اشكركم من صميم قلبي على اهتمامكم ...

لكم محبتي واحترامي..