ظاهره غربية انتشرت في الدوادمي

[سابع جار]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

الأخوة الأعزاء أعضاء منتديات الدوادمي نت

أريد ان أناقش معكم ظاهــــرة غريبة انتشرت وبكثرة في مدينتنا الغالية

الظاهـــرة هـــي /

المشاورير الخاصة للسائقين السعوديين

طبعا هناك الكثير من العوائل انتشرت بينهم هذه الظاهرة وهي أنهم يتصلون على أشخاص معروفين يقومون بتوصيلهم الى الاماكن العامة ( الاسواق - المستشفيات - مشاورير خاصة )

المشكلة الكبيرة ان هؤلاء السائقين لا يحملون سيارات أجرة خاصة بذلك وإنما بسيارتهم الخاصة بالإضافة الى ذلك عدم وجود المحرم الشرعي .


ما رأيكم بهذه الظاهرة

هل انت مع أو ضد هذه الظاهرة ؟

[×× جرحي عميق ××]

يااخي للاسف بعض الرجال تخلّوا عن مسؤولياتهم تجاه امهاتهم .. وزوجاتهم .. وبناتهم ..
والمسكينة " الحرمة " اذا بغت لها مشوار .. قال لها ابو الشباب .. مانيب فاضي روحي لاهلك يودونك ..
واذا راحت لاخوانها قالوا لها : رجلك مسؤول عنك ..
والمسكينة مشاويرها مهمة .. وماتتأجل .. والرجال ماهم راحمينا ولامخلين رحمة ربي تنزل ..
وبعدين يااخي .. اذا انا بروح مشوار مع سواق ومعاي امي وخواتي .. والمشوار قريب وانا محتشمة وين المشكلة ؟؟
وبعدين انت شايف انه فيه فرق اذا كانت السياره اجره والا لا ؟؟؟
انا ماني شايفه فيه فرق .. اذا السواق اللي بيوصلني شايب كبير كبر ابوي .. وسمعته طيبه بين الناس
ومعي امي وخواتي .. او واحد من العيال الصغار .. وين المشكلة ..

[باريس]

رأينا ليس مهم إن كانت المرأة من دون محرم ..

لأنّ دستورنا .. كلام الله .. ويليه ما جاء على لسان الرسول صلى الله عليه وسلمّ .. من النهي للإختلاء ..

رأينا ليس مهم .. وأعجب كثيراً حين أرى أنه يُطلب رأينا في أمرٍ مفروغ منه دينياً ..

ثم من قال أنها ظاهرة ؟؟؟

أول مرة أسمع بها .. ويمكن أنها ما تحصل إلا عند عائلتين أو ثلاث .. أو يمكن أنها إشاعة فقط ..

أهل الدوادمي ليسوا كذلك ..! أهل الدوادمي يملكون غيرة عجيبة تميّزهم عن غيرهم ..

[AL-KING]

طيب اذا كانت هذه العوائل ما عندها من ينجز مشاويرها ماذا تفعل ؟؟

تروح الى مشاويرها كعابي يعني !!!





أنا وجهة نظري ..

اذا كان السائق موثوق فيه ومعروف بأخلاقه ودينه فلا بأس في هذا الأمر ..

لأن الأمور تغيرت .. تغيرت كثيراً ..

راح الوقت اللي كانت فيه العائله متكاتفه ومترابطه .. الولد ينفع خالته وينفع عمته ...

ألحين عساه ينفع أمه .. وفي الغالب ما ينفعها .. بل انه نكد وهم عليها ..

أنا مدري بس ليه أخذتوا الموضوع بالحساسيه هذي ..

طيب هذي الرياض عندكم الأجانب في الليموزينات ما شفنا أحد تكلم ولا قال شي ..

والا السعودي محارب في كل شي حتى في رزقه ..


تقبلوا مروري ,,,

[رٍوٍقـيٍ دٍآوٍرٍدٍ]

فعلا انتشرت بالدوادمى حاجات غريبة جدا

ورد الاخ العزيز الذى قبى

كيف تثق فى السائق

اشكركم على موضوعكم

[ابو مالك]

هذه الظاهره انتشرت في الدوادمي

وحسب معلوماتي انهم سواقين خاصين لعوائل ولكن الكفيل يتفق معه بأن يسمح له بتوصيل الناس بشرط انه يتنازل عن الراتب ويترزق الله

اما بالنسبه لوضعهم اخبرني احد الثقات من الهيئه ان احدهم بلغت عنه احدى الغيورات انه يبيع سيديات محظوره وقال لي والله انهم فتحو علينا باب شر

واقول الله لايحدنا عليهم ويكفين شرهم

ولكن تقصير بعض الرجال عن حقوق الاهل له دور كبير في انتشار هذه الظاهره

[اتعبتني جروحي]

الحرمه يعني لازم تطلع لازم تروح السوق تنطق بالبيت الله لايهينها ومسأله ان تذهب مع سائق بدون محرم فهذه بأعتقادي كبيره ولا يرضاها اي انسان عاقل

[سكر زيادهـ]

شكرا علي هالطرح الجميل
بالفعل انتشرت هذي الظاهرة بصورة غير طبيعيه
الاهل مسؤليين مسوليه تامه بان يقضون مشاوير الاهل
والسائقين مو مقصورة علي السعوديين فقط بل شملت الجنسيات المختلفه اللي يشتغل لحسابه الخاص
انا ضد هذي الظاهرة بصراحه اذا وجد في افراد العايله من يستطيع ان يقوم بها
ومعاها اذا كان ماعندهم احد يقضي طلاباتهم
والله لايحدنا علي هالسائقين

[شرقاويه]

موضوع حساس بقووووة

انا من وجهة نظري مثل ماقالو بعض الاخوه ادا كان انسان ثقه مافيه حركات منا او منا

ايش المشكله وادا كانت البنت محتشمه ومصونه مافيها شي

والحين الوضع تغير ماهو مثل اول الدنيا تغيرت بقوووة

لكن كل شي وله حدود

فور اكزابل انا قبل اركب مع اي سواق اول شي اسال عنه سمعته ادا كان نفر كويس مافي مشكله

ووبعدين في عوائل كثيره ماعندهم سياره او ابوها مايسوق وماعندها اخوان

بالله ايش تسوي؟

وانا ملاحظه انه بعض المناطق في السعوديه مثل الدوادمي واكيد في غيرهاا انهم متشديين بقوة

وانا في نظري انه التشدد بقوة وخاصه انك تشد على البنت يؤدي الى نتائج سلبيه

والدين يسر وسهوله دون تعدي الحدود

وتقبلو مروري وتسجيل حضوري


ولا حد يسبني هدا نقاش وكلن له وجهة نظر وكل وجهة نظر محترمه

[فهدمحمد]

يا جماعة الخير الموضوع الأن كل شئ تغير ونسألله الرحمه والثبات نأ مل
ان يكون السائق من الثقات المعروفين ومن المواطنين الصالحين وليس الذي
يخاف على نفسه وعرضه واعراض المسلمين افضل من بعض السا ئقين الأجانب
والذي لايهمه الأجمع الفلوس فقط ولا يفكر بأي شئ اخر حفظنا الله وأياكم والمسلمين 0

[( تكفيني الذكرى )]

اولا.. انا لا اعتبر هذه ظاهره يااخي الكريم ولاكن نسميها حاجه ومطلب

من مطالب الحياه المدنيه بعد ان تحول الناس من السكن في القرى الى

السكن في المدن واصبحت تبعد بينهم المسافات .. ومع هذا التطور انشغل

الاب عن عائلته والابن عن اهله ولم يستطيع ان يلبى حاجاتهم .. أذا

ما هو المانع من الاستعانه بمن نثق به لاداء حاجاتنا ..؟؟ اعتقد ان هذا

الموضوع تحدث فيه مشايخنا كثيرا ...
(لا يجوز ركوب المرأة مع سائق ليس محرماً لها وليس معهما غيرهما ،

لأن هذا في حكم الخلوة ، وقد صح عن رسول الله صلى الله عليه وسلم انه

قال : *" لا يخلون رجل بامرأة فإن الشيطان ثالثهما "* ، وأما إن كان

معهما رجل آخر أو أكثر أو امرأة أخرى أو أكثر فلا حرج في ذلك إذا لم

يكن هناك ريبة ، لأن الخلوة تزول بوجود الثالث أو أكثر) الشيخ عبد

العزيز بن باز ..

ثانيا ..انا لارى انها مشكله سواء كانت مع هذا السائق سياره خاصه

اوسيارة اجره .. وانا سوف ارد عليك ياخي الكريم بسؤال آخر

ماهو الفرق بين هذا السائق وبين السائق الخاص بالعائله بما ان الشرع

سمح لنا بالذهاب معه بشروط ..لاكن الغريب هو تكبير الموضوع !!!

[JoIjJI M]

موضوع حساس بقووووة


طيب ماهو الحل اذا كان رب البيت لاهي عن البيت والاولاد لاهين ؟؟؟؟؟؟؟؟؟؟؟

[saad 2008]

شكرا علي هالطرح الجميل

[بنت الشرقيه بس دوادمية]

السلام عليكم
بما ان هذي اول مشاركة لي
احب اقول لازم ولي الأمر يقوم بمهامه تجاه اسرته (كلكم راع ومسئول عن رعيته عشان ماتضطر انها تاخذ سواويق وبعدين المرأة الي ماعندها ولي امر ممكن تحتشم وتروح مع السواق اذا كان ثقه وماتتكلم معه ابداً ولا تتكلم مع اختها او امها وهم في السياره سوالف خاصه بس تقول لوسمحت المكان الفلاني وتعطيه حسابه او تخلي البزر اذا كان معهم هو الي يعطيه وتتجنب الحديث معه من غير ضرورة.

[سري للغايه]

عندما يتخلى رب المنزل عن مسؤولياته وواجباته ، تظهر على السطح
السلبيات والمشكلات العائلية .
من وجهة نظري الأب هو من يتحمل تبعات وظهور هذه المشكلة
شـكــ وبارك الله فيك ـــرا لك ... لك مني أجمل تحية .

[سابع جار]

تحية عطرة لمن شرفنا بالمرور على الموضوع وبانتظار تفاعل باقي الاعضاء

[شهوووده]

والله لو عندهم احد فيه خير

كان ماراحو مع السواقين

تشاو

[سابع جار]

والله لو عندهم احد فيه خير

كان ماراحو مع السواقين

تشاو

شكرآ على مروركـ وعلى وجهة نطرتك ..

تشاو

[المزبوط]

:33:السلام عليكم ورحمة الله وبركاته السلام عليكم ورحمة الله وبركاته
يجب التأكد من هذا الخبر اولاً
واذا كان صحيحاً لابد لعرضها على اهل الحل والعقد في مدينتنا المحتشمه الطاهره الحبيبه الدوادمي
ل لا لاانها ما تجي عليهم..
اسأل الله ان يحفظنا واياكم والمسلمين من كيد الفجار واعوان الشيطان

[واحد]

موضووووووووووووووع حساس

[واحد]

تشكرررررررررررررر عليه

[سابع جار]

اشكركم على مروركم وتعليقكم

[الإمبراطور]

السلام عليكم. . .



هاذ الضاهر قديمه شوي وبعدين بقولكم شي وبعدين الضاهره ذي صارت عندنا عادي


لدرجه انه مو بس مشاوير قريبه تصل الى 70 كيلوو


هاذي لكسل الشعب السعودي


الشعب السعودي فيه مشكله يب ياكل وينام طيب والاهل من عندهم اذا الشاب صار كذا
كسلان ما يخدم اهله وش فايته في الحياه انا ما ألوم النساء ما فيه احد يوديهم

والضاهره ذي موش كويسه بس عند الضروره تبيح المحرمات


وشكراً وهذا مجرد رأي لاحد يزعل مني. . .

[ام عبدالله]

سواق اجره زي السواق العائله نفس الشي يعني تعترضون على سواق الاجره الي يعمل لحسابه وما اعترضت على سائع العائله ؟ انا اعتبرها عادي دام السواق سمعته زينه والكل يعرفه والحمد لله مافيها شي دام الحرمه تنفع نفسها ومحتشمه لانه الاب والاخوان والزوج الكل مشغول مو فاضي وليه تنطق المره في بيتها؟؟ وتقول لو انها سيارت اجره عادي اجره خاصه نفس الشي دام الانسان موثوق وبعدين الحين السواق صاحب الاموزين تعتبره موثوق فيه لا مو الكل الوحده الحمد لله تستر نفسها واذا احتاجت تروح وتجي معه دامها ما سوت شي غلط والحمد لله الثقه زينه ليه نتشدد حيل ونضغط حيل على حريمنا وبناتنا ما نبيهم يروحون مع سواقين نخدمهم ونسوي واجبنا ناحيتهم بعدين يمدينا نعترض انا اشوفه عادي هذا رايي
تقبلو تحياتي

[بنت روق]

الموضوع كثير حساس ومهم

ولكن


وين المشكله في ركوبي مع سائق لاقضي مشاويري وحاجاتي
انا ومن معاناه شخصيه الوالد الله يحفظه كبير في السن وممنزع من السواقه لفتره
واخوي عمره 13 سنه
وش اسوي في ذا الحاله اجلس ماقضي اغراضي واموري ولا وش الحل
مدام ان الشخص اللي بركب معاه ثقه ورجال كبير ومعروف ماشوف ان هناك اي مشكله

[الراسي]

هذشي موجود وكلنا نسمع فية ونعرفة سوا من جة من يعملون في هذا المجال او من ارباب الاسر الذين يرون في ذالك حل لهم لتنصل من مسولياتهم وبعض الذين يعملون هذاالعمل لهم اهداف اخرى وكذا لك بعض النساء يجدن الحرية اكثر في الذهاب مع اولاك السواقين ثم ان العلاقة تبدء بسيطة ثم تتطور الى حدود لايعلمها الا اللة فمن وجة نظري ان الحل يكون في 1 ان يقوم الابن والزوج والاخ بواجبة تجاة اهل بيتة 2 ان تقوم النساء بتخفيف الحمل عن الرجال وذالك باالغاء المشاوير الغير مهمه اوتاجيلها والتي غالبا ماتكون للااسواق 3 ان نقوم جميعا فكل مجلس واجتماع برفض ذالك والتعليق علية واضهار نتائجة السلبية علي مجتمعنا وذالك دورونا تجاة مجتمعنا

[ضناني الشوق]

عزيزي
لاتنظر لها على انها ظاهرة
انظر حولك ثلاث ارباع البيوت نساء واطفال وشغالات
ونحن كعادتنا مابين الدوامات والاستراحات والتجمعات الشبابية
كل هذا الوقت في خارج المنزل
وأولئك النساء بحاجة الى طبيب او الى مكتبة هل تنتظر عودتنا من الاستراحة حتى اذهب بها الى الطبيب

لا ضرر ولا ضرار
اذا كان الشخص ثقة ومعرووف ورقمه معي انا اتصل به شخصيا للتوصيل لاامانع من ذهاب اختي امي زوجتي وابنتي مع السائق

[بنت روق]

اشكرك ضناني كلامك اقف امامه كثيرا احتراما له ولمنطقك اللذي غاب عن الكثير

تحياتي لك

بنت روق

[سابع جار]

اشكر من شارك بالموضوع وبين وجهة نظره فيها

[شايب و مملوح]

ولكن ماذا .............

الله المستعاااااااااااااااان

جزاك الله خير

[مجنونها]

والله الموضوع يأخذ عدة أبعاد وله تفرعات كثيرة من ما نراه في الوقت الحالي
أولاً :- الضرورة تبيح المحرمات
فلو كانت ضرورة لا مانع منها
واحد الاخوان علق واستند الى فتوى من الشيخ ابن باز رحمة الله عليه ان لو كان هناك شخص ثالث لاتكون خلوه محرمة
لذلك مافيها شي لو راحوا معه بس مو وحدة لحالها يعني مجموعة
فأحياناً انشغال الرجال اللي في البيت يكون السبب
مثلاً انا كمثال
شايبي كبير في السن وانا موظف في الرياض ما اجي الا مرة والا مرتين بالشهر
اذا احتاجوا شيء اهلي من بيوديهم؟؟؟
بصراحة اول مارحت الرياض جبت لهم سواق يقضي مشاويرهم حتى كبر اخوي وتعلم قيادة السيارة وسفرت السواق ( السواق مايطلعون معه الا معهم واحد من اخواني )

الشغلة الثانية:-
انت تنظر لها من جهة سلبية وحدة وهي ان السواق مثلاً فيه شيء؟
طيب ليه ماتكون المشكلة بالبنت او المرأة؟

حقيقةً انا اعرف واحد من الشباب شغال على لموزين (تكسي) بالرياض
طبعاً انا اعطيك مثال فقط لا غير
خويي هذا توه متزوج وعاقل ماعنده لف ودوران والله انه يحلف لي ان
كثير بنات وحريم تحرشوا فيه وحاولوا يغرونه يعني بأساليب تستغربها
على المرأة السعودية.
انا اقولك السواق استحالة يسوي شي للمرأة بدون ماتكون راضيه
وللأسف الكثير الأيام هذي راضيات


<< صريح بزيادة

وشكراً لك

[الريااانه]

ليه تقولون ظاهره وتستغروبها .........

استغربوا اول شي من الرياجيل إلي ماعادوا رياجيل ولا عادوا يهتمون
بأهلهم وطلباتهم إلي اهم شي فيها الطبيب .........بعدين تعالوا اشرهوا
على الحريم ...أما الرياجيل ماتنفع اهلها وماتبون سواق .....حلووه هاذي .....

[msa]

ارى انها ظهرة شر وفساد

والله يستر على عورات المسلمين

انه سميع مجيب

[ليالي المزاحميه]

عندي سؤال :

ما الفرق بين السائق حق المشاوير وسيارة الأجرة ؟

كلهم واحد وبل السائق السعودي أفضل

من الأجنبي المغترب عنا

والذي لا نعرف عنه شئ

والأجانب اليوم كثرة مشاكلهم وجرائمهم

واذا كان سائق سعودي يترزق الله ومحترم ويعرف بصفاته الحميده

لا أظن أن هناك أي واحد يمانع

وإذا كان هذا عيب ليش أجل تركب الحرمة مع سائق الأجرة أليس ذلك عيبا ايضا

الدعوه واضحه

السعودي أولى بهذا الأمر

ولكم مني التحيه أحبتي