فعلاً شي يطفش اللي مايطفش..؟

[خزامى]

مدخل..}
سامحوني ع العنوان اللي مدري وش يبي ماتعودت أكتب بالنقاشات فما لي خبره في اختيار العناوين لـ مثل هيك مواضيع صدزيه..:(
خلاص إطلعوا..مخرج{..:)

سلام عليكم جميعاً،،
تحيه رمضانيه بــــ لون الفيمتو،،ورائحة الـــ السنمبوسه،،
لكمـ جميعاً رُواد منتدى الهوشات قصدي النقاشات الجاده..
اليوم وبينما كنت راجعه من المسجد شفت شي قهرني بشكل ما تتصورونه،،
لدرجة إنها مسكت معي وقلت بنزله بـــ قسم النقاشات
على إني ما أحب مواضيع النقاش والشيل والحط
بس ماش ما إرتحت قلت خل أفضفض لكم وأسمع رايكم..

المهم مالكم بالطويله>>

( مجنون ليلى) >> مات الله يرحمه

( مهجد الحارة)>> طيب وش نسوي لك

( ذكريات تركي)>> عُلم

( فقدتك ياأعز الناس)>>يا حراااااااام

( الهيلا 511)

( توم كروز الدوادمي)>> قل قسم

( ذكريات s+f)>> يابياختكم بس

( سكسوكة 101)>> ياكثرهن

( الزعيم وبس)>>دارين

(نصراوي للأبد)>>الحمدلله

( أبو طويله)>> يمه أحس إنه إسم جني

( تحيات شلة الموتر )>>الله يـــهديكم بس

(جبرني الوقت على فرقاك)>> أقول إسكت

(I Love You )>>إرحمنا يالمثقف

(..........؟؟؟؟؟) مشفرة لوقاحتها>> لاتعلييييييق..‍

أعوذ بالله في كل عــــاير>> لاحظوا الكلمه>>إلا و تلمح مثل هالحتسي..

(أعتقد هالعبارات عطتكم خلاصة الموضوع)

السالفه هي إن جيراننا الله يحفظهم كانوا قبل خمس ايام مدري اسبوع
ضاربين بيتهم بويه جديده
مو عشان بيتهم قديم بالعكس هو جديد
بس لأن الـ... والله مدري إيش أسميهم من وقاحة اللي سوووه،،
قاموا وطلعوا كل مواهبهم وشخابيطهم ع جدران بيت جيرانا
وحامت تسبودهم جيرانا من جدرانهم وضربوا بيتهم بويه جديده
ورجعوا هالـــ كمان مدري وش اسميهم مره ثانيه وشخبطوا عليه وكنك يابو زيد ماغزيت..‍‍؟
بصراحه نرفزني هالمنظر طول الطريق وأنا مغير أهاوش لين قالت أمي:
خزووومـ تراك فضختي راسي إسكتي ولا ترى بخليتس تصلحين سحورنا اليوم >> مسكتني مع الإيد إللي بتوجعني >>
عندها سكتت مجبره طبعاً ..
وجيت أكمل فضفضتي عندكم ..يعني ودي أدري وش يحسون فيه هاللي يسووون كذا..‍؟
في كل مكان تلقى لهم بصمه على الجدران وعلى الارصفة .. في الحدائق وفي المدارس وفي المستشفيات وفي الكليات والجامعات وحتى وصلت للمساجد .... هذه الشخاميط ..التافهه..
ودي أدري..
إيش هي الرسالة التي يريدون أن يوصلوها من خلال هذه الشخاميط ؟؟؟
ولا بس ودهم يقولون للعالم أنهم كانوا هنا يوماً ؟؟
طيب كنتم هنا يوماً وماذا بعد ؟؟؟
هل أفدتم الناس بهذه الشخاميط القذرة ؟؟
صدقوني يامن تعبثون بمثل هذه الشخاميط أنكم تسخرون من أنفسكم ... وسيسخر منكم التاريخ لتفاهتكم ؟

شكراً لكم ع هذه الشخاميط من القلب ... وشكرا لكم على الحضارة التي صنعتوها بعبثكم اللامسؤول !..؟

سؤال الواجب:

س1/ متى نشوف جدران خالية من الشخاميط ؟؟ >>> ليه دايم الواحد ينجبر انه يقرأ ع الجدران لأبو عذاب وأبو الحب وصديق الألم القاسي وشاكلتهم ؟؟؟
الجواب : ردد يـــــــاليل أبو لمبه؟؟؟؟؟؟؟

[511]

س1/ متى نشوف جدران خالية من الشخاميط ؟؟ >>> ليه دايم الواحد ينجبر انه يقرأ ع الجدران لأبو عذاب وأبو الحب وصديق الألم القاسي وشاكلتهم ؟؟؟


ج / نحن بحاجة لفتح عيادات نفسيه لسيطره على مثل هذه الامور0

تحياتي خزامى

[محبة نجد]

خزوومـ وانا اشووف جوالكـ مقفل من اليوم وادق وارسل ولاحياه لمن تنادي واثاريكـ طفشانه وحاطه حرتكـ بالجوال :wallcrash:
انا معك ان الظاهره ذي تطفش وتدل على بيئه غير حضاريه مع ان للاسف الجميع متعلم وواعي بس الشباب او ممكن يكونون اطفال يحبوون لفت الانظار باي وسيله :wavetowel2:وخصوصا اذا كانت مجانيه وماتكلفهم شي والتكاليف كلها بتصير على صاحب الجدار الله يعينه يرووح يصبغه:95:

لكن اتمنى تزول هذه الظاهره وننعم بجدران خاليه من الكتابات :)

خزوومه الله يعطيكـ العافيه على الموضوع

[نايف البدر]

خزامي

في البدايــة موضوع يستحق النقاش فعلاً

شوفي

انا اقولك وش قصدهم /
- الجدار دفتره
- بيثبت ما قده احد
- بيسوي نفسه حبيب
- يبي الناس يمدحونه على اللي قاعد يسويه

طيب كل هذ1 وش يبي يفيده فيه

احد يبي يمدحه على اللي قاعد يسويه

لا طبعاً

من جد وربي هذي مشكلة مدري متىا يفكونا ويريحون بالنا

لكن الله يهديهم بس

سؤالك

متى نشوف جدران خالية من الشخاميط ؟؟

من وجهة نظري :

اذا حجت البقر على قرونها
لان هذي ظاهرة مستحيل تختفي

ليه دايم الواحد ينجبر انه يقرأ ع الجدران لأبو عذاب وأبو الحب وصديق الألم القاسي وشاكلتهم ؟؟؟
هذ1 لها سر

اقولك من يقولك عليها ..؟

اللي كتبها هع هع هع

تحيتي وودي

البــــدر

[ابوشقا]

س[/color]ؤال الواجب:

س1/ متى نشوف جدران خالية من الشخاميط ؟؟ >>>
ليه دايم الواحد ينجبر انه يقرأ ع الجدران لأبو عذاب
وأبو الحب وصديق الألم القاسي وشاكلتهم ؟؟؟
الجواب : ردد يـــــــاليل أبو لمبه؟؟؟؟؟؟؟


اختي خزامى

شكراً على طرح مثل هـ الموضوع
والمشكله ان العصور الجاهليه الفراعنه والهلاليه
كانو ينحتون الصخور ولا كن نحت يدل على
عقول علميه الى الان والثروه المعدنيه عجزو
عن فك كثير من الرموز المنحوته سواء كانت
كتابه او رسومات اما بنسبه الى شبابنا
فحدث ولا حرج ,,,,
عجزنا عن فك رموزهم التي لامعنا
لها الا السفاهه واذا اردنا ان نجعل جدراننا
سليمه لابد ان نفتح فروع كثيره
لمستشفى شهار
مانقول الا

الحمدلله على نعمة العقل

[°ж° TRo0oK °ж°]

مما يؤسفني ان هذه الظاهره السيئه

ليست فالمحافضه وحسب بل في جميع مناطق المملكه

والسبب الرئيسي لها سوء التربيه الاسريه فلو نشاء الابناء

على التصرفات السليمه والتوجيهات المستمره لما حصل هذا

وكذلك لو طبقنا النظام بحذافيره على اصحاب هذه الحركات الطفوليه

لما وصل الامر إلا ما وصل إليه من الخسائر الباهضه والتشويه للمنازل والممتلكات الخاصه

فلو ان هذه الكتابات وضعت على جدران بيوتهم لغضبوا وشتموا ورفعوا كفوفهم بالدعاء

فالواجب حتى نكون من المؤمنين ان نحب لاخواننا ما نحب لانفسنا

اسأل الله ان يصلح الحال عاجل غير اجل ويهديهم للطريق الصحيح

خزامى

موضوعك من المشكلات الاجتماعيه الظاهره

ويستحق النقاش والاخذ والعطاء بلا مجامله


ما أحب مواضيع النقاش والشيل والحط



كم تمنيت لو انك لم تدلي بهذه العباره

لكن لكل شخص وجهت نظر

ووجهت نظرك نحترمها ونقدرها

وشرفتي القسم بهذه الاطلاله المميزهـ

ويعطيكـ الف عافيه وسلمت يمينكـ من كل مكروه

TRoOok

[باريس]

أولاً , أحبّ أقول لتس يا خزامى إن أسلوبتس في كتابة الموضوع كان خُرااااافي د4
عليتس أسلوب يفتح النفس للقراية د6

ثانياً وهو الأهم ..
بالنسبة للموضوع , شوفي يا أوخيتي .. هذي الظاهرة قديمة منذ الأزل الكتابة على الجدران , حتى قبل أن يعرف العرب القلم , كان هناك كتابة على الجدران , ماهوب كُليب لما طعنه جسّاس راح يمّ جدار وقام يآخذ من دمه ويكتب على هاك الجدار أبيات ؟ د6 < جاب الدليل د8

أقول بإن هذه الظاهرة أنا كنت أحد مستخدميها , وأكاد أجزم بإن كُل من في المنتدى قاموا بعمل مثل هذا الشيء إما في جدران جيرانهم , أو جدران بيوتهم , أو في المدرسة , او في دورات المياة وانتم بكرامه .. فهذا شيء من الإستحاله نُكرانه .. واللي ينكره فهذا شخص ملعون صير , عفواً د6 قصدي هذا شخص ما عاش مراهقته بالشكل المطلوب .. د4
لأن الشيء اللي أبيك تعرفينه إن كل هالكتابات اللي تشوفينها يكتبونها إما أطفال دون المراهقة أو المراهقين د4 ..
يعني لا تتخيلين واحد عنده ولدين وبنت ويشخبط على الجدران د6 ..
ومثل ما قلت لتس أنا كنت أسوي هالشيء , بس الآن ما أسويه , لأني وصلت لمرحلة من التعليم ومرحلة من العمر ما تسمح لي بهالأمور , حياءاً من الناس , وحياءاً من نفسي ..!
وقناعة شخصية بإن مثل هذه الأمور لا فائدة منها , ومُشوهه للمناظر .. بس وش عقبه ؟؟
عقب ما كتبنا وخلصنااا د6 ..
وفي كل جيل راح يكون المراهقين هم الأقلام المُتحركة في جدران الجيل نفسه ..
ومن الصعب منعهم , بل من الإستحالة ..!!!
حتى وإن كانت هناك حملات توعوية .. فالمراهق أو دعني أقول بإن من هم في سنّ المراهقة لا يؤمنون بالتوعية , ولا يريدون أن يُصبحوا مثاليين .. يحبّون التمردّ ولا غيره ..!!

المناظر اللي شفتيها ماهيب في السعودية بس , في كل دول العالم , بس ربّما الفرق بين اللي بالسعودية وبين اللي بأي دولة في العالم هو جمالية الخط وتناسق الألوان د6
ربعنا يستخدمون أي قلم , يستخدمون أي بخاخ وبأي لون ويكتب بأي حجم ولا يراعي الكتابات السابقة ولا يحاول بإن يجعل من كتابته منظراً جمالياً متناسقاً مع الكتابات قبله ..!

في إيران مثلاً , عمدوا الآن إلى الإستفادة من هاوين الشخبطة في تلوين جدران طهران ..!
بحيث يُشرف عليهم رسّامين عالميين إيرانيين , وبذلك يفجرّون مواهبهم على الجدران والرقيب يُراقبهم ويشد من أزرهم , وفي نفس الوقت يمشون بخطة ثابته بحيث ما يكون هناك خلل أثناء الرسم د6 ..

اللي بأقوله صراحة .. إن هاللي ينكتب , اللي تشوفينه سواءاً عبارات الحبّ , أو عبارات السبّ ما هي إلا إنفجار للكبت الذي يشعر به الكاتب نفسه ..
وحقيقة أنا لما رحت فرنسا ( بأعلمكم ترى د6 ) كان عندهم حاجة حلوة بصراحة ..
فيه جدار هناك في باريس مشهور , على الشانزيليزيه , يعني يمرّ بجمبه ملايين السيُاح من كل مناطق العالم , هالجدار مسموح لأي واحد بالدنيا الكتابة عليه .. ولكذا لو شفتيه بتحصلين أنواع الشخبطة والذكريات والسب والكلام الرومنسي .... إلخ ..
كل واحد يفجرّ موهبته في هالجدار إلى أن يمتلي الجدار , وبعدها يصبغونه من جديد , ويبدأون مرة أخرى بالكتابة على الجداار , طبعاً الكتابة من قِبل السيااح د6 ..
عاد لو يبنون جدار بالدوادمي ويحطونه داخل حديقة الأمير سلمان ويسمحون لأي شاب يبي يكتب يجي يكتب عليه , أعتقد بإنه راح يكون فيه زحمات عجيبة لأجل الكتابة , وراح يدخل من ضمن الكُتاب ربّما ناس عاقلين ومتزوجين أو شباب كباار تجاوزوا سنّ المراهقة ..

نستنتج من هالشيء بإنّ حب الكتابة على الجدران لا زال مُتعلق في أنفسنا , بحيث إننا الآن نردع أنفسنا عن هالتصرف بحكم تقدم سنّنا , ولكن لو فٌتح المجال بالكتابة لكتبنا دون خوف ودون حياء د6 ..
بس بما إن هالشيء يرفضه مجتمعنا , وغير مسموح به إطلاقاً , لذلك يعمد المراهقون إلى كتابة ما تكنّه صدورهم على الجدران أياً كانت , وبأي طريقة كانت , وبأي أسلوب كان .. كل ذلك لأجل الإنفجاااار والتحرر من الكبت النفسي الذي يعتقده الكثير ..!


ترى نظرتي للموضوع كانت أشمل وأوسع , لذلك العذر والسموحة د6 ..

موفقة د4

[أبـو ضـاري]

^^^^
ماشاء الله عليكـ
جبت اللي وراك ودونك د6

[موت وميلاد]

موضوع رائع اخت خزامى ويستحق النقاش

ماراح ازيد على كلام الاعضاء قبلي انه فعلا مشكلة نفسية وسوء في التربية
وازيد من الشعر بيت ..مرة شفت على جدار مقبرة مكتوب
ارحم حبيبك اللي اشقاه البعد واضناه
:46::46:
بالله اذا ما حس قلبه وهو في مكان يدرك الانسان عنده ان الدنيا ولا تسوى شي
متى بيحس ؟؟:Sad_anim:


والثاني المؤدب كاتب على الجدار : الرجاء عدم الكتابة على الجدران
ويرد عليه الثاني بالكتابه على نفس الجدار : ابشر طال عمرك ههههههههه:92:



مشكورة اختي خزامى ابدعتي:flowers::flowers::flowers:

[ممكن جدا]

موضوع كويس من كاتبه كويس الكتابات على الجداران ماهي دايما مشكله لان مراهقي حارتنا

كاتبين على ببيت جارنا ( لا للمخدرات)

[بريق نجمة]

:friends:خزامــــــــــــي حطيلهم كاميـــــــــــرا فوق البيت وصيديهـــــــــــــــم:friends:

[ود.ود]

اختي الفااضله
من خلالدراستي لقسم خاص بهذا الشي..

مرض نفسي وكبت داخلي ... وحركة جهل

[خالد الجنتلمان]

تخلف الكتابه عالجدران

[ღغالي الأثمان ღ]

هالظاهره منتشره بكثرهـ http://www.alahlawy.com/ahli/images/smilies/conf.gif ..

في كتابه منتشره بمحافظتنا مافي جدار بيت ولا مدرسه ولا بقاله الا مكتوبه عليها الا هي (ابو سعد وعزوز )http://www.alahlawy.com/ahli/images/smilies/13.gif..بس ما شاء الله عليهم تقولون عنهم فنانين ..ما في احسن منهم في الرسم..بس ليش ما يطلعون هالابداع في مكانهhttp://www.alahlawy.com/ahli/images/smilies/conf.gif..

لازم ما ينسون ان اللي يكتبون عليه تابعه للمؤسسات الحكوميهhttp://www.alahlawy.com/ahli/images/smilies/mad.gif ..وهم بشخابيطهم يبينون انهم متخلفين...
مريت انا مدرسه الدوادمي الثانويه مره ولقيت مكتوب عليها )) العلم نور والنور كهرباء والكهرباء خطر فلماذا نتعلم ((:birgits_giggle: :25:

الله يهديهم ان شاء اللهhttp://www.alahlawy.com/ahli/images/smilies/frown.gif ..

تسلمين اختي خزامي عالموضوع http://www.alahlawy.com/ahli/images/smilies/smile.gif


:mobile:

[ياسر السليس]

هل تعلمين أخت خُزامـى أنّ
مشكلة َ الكتابةِ على الجدرآنِ موجودةٌ حتّى في ولاياتِ أمريكآ ..!
قامت بعض البلديات هناك بوضع أسوار مهيأة للشباب هناك للكتابة
ولكن يغرّم من عبث بالجدار ولم يكتب شيئا واضحا أو يرسم لوحة ما
فخرجت جدرانهم بأشكال جميلة

طبعا هذه الروآية رواها لي أحد العائدين من أمريكآ


http://almugtama.net/vb/imgcache/553.imgcache.jpg
http://www.yabdoo.com/users/94/gallery/1101_p75227.jpg
http://www.yabdoo.com/users/94/gallery/1101_p75228.jpg
http://members.abunawaf.com/balot/GRD4/70.jpg
http://members.abunawaf.com/balot/GRD4/76.jpg
http://www.yabdoo.com/users/25874/gallery/2146_p52857.jpg
http://keyboo.hp.infoseek.co.jp/20001217/PIC00070.jpg
http://www.alsaifonline.com/up/uploads/6b49cc015c.jpg
http://www.zeinabrahhal.com/wp-content/uploads/2008/04/picassowwnf.jpg

[نعم لا]

لي رأي في المووضوع راجعة
شكراً خزوم

[نعم لا]

خزامى عزيزتي شكراً على هالطرح
وكعادتك تتميزين بروعة الطرح في أي مكان بالمنتدى:21:

خزوم

انا قرأت الردود في الأعلى
وأتفق مع الجميع أن الفراغ هو الأساس
وربما كانت التربية أيضا

ومع الأخ باريس لما قال المراهقة تلعب دور وان كثير من الاعضاء ربما جربو هالتجربة

بس ما ادري ليه احس

ان السبب الرئيسي وجود البخاخات الملونة! ههههههههه :97:

يعني بعطيك مثال
تخيلي معك قلم، وعندك أوراق، وانتي فاضية او جالسة تسولفين

اكيد رح تشخمطين على الاوراق اللي قدامك من الفضاوة

يعني مثلاً ممكن ما تكون المشكلة لا كبت ولا هم يحزنون
يمكن مافي مشكلة اصلاً

مجرد ان هالولد معه علبة بخاخ، ولقى قدامه جدار وقام يشخمط مثل ما نشخمط فالورق!

وطبعاً بما ان الفراغ لاعب دور
وانه ما تربى على عدم تخريب حاجات الغير

فعادي جداً انه يشخمط في اي مكان يصادف وجود علبة اللون معاه

يعني ممكن تكون المسألة عشوائية جداً بدون اهداف او مخططات او غيره<< حشى ارهاب مو شخاميط :97:


فمن الآخر

المشكلة رح تظل قائمة ما دام فيه بخاخات وفيه جدران < لا ياشيخة!

عاد هذا رايي يا خزوم

ما ابي اتكلم بشكل مثالي واقولك نفتح نوادي ونشجع الشباب على تفريغ طاقاتهم فيها
ونحط لهم جدران

لأن كل هالاشياء مارح تحصل

فعلى الأقل اللي نقدر نسويه
هو أن كل من قرأ هالموضوع

يربي عياله المستقبليين على احترام ممتلكات الغير

يمكن يمكن يمكن نحصل في النهاية على جدران مستقبليةنظيفة :wavetowel2:

[خزامى]

ما شاء الله تبارك الله على الردود والاراء الخطيرة :)
والله مدري يمكن أني تورطت بالردود الكثيره..:( ويمكن ما تورطت لأن شكلي ناويه أسحب عليكم:)
بصراحة .. فيه معركة دائرة رحاها الآن بين شيطاني وبين ضميري شيطاني يقول اسحبي عليهم وضميري
يقول لا حرام يابنت لازم تقدريــــــــن ردودهم الحلوووووة اللي مثلهم :40:


<< دُعـــــــابه<<
/
/
/
هلآوغلآ..بـــ كبير المراقبين 511
س1/ متى نشوف جدران خالية من الشخاميط ؟؟ >>> ليه دايم الواحد ينجبر انه يقرأ ع الجدران لأبو عذاب وأبو الحب وصديق الألم القاسي وشاكلتهم ؟؟؟
ج / نحن بحاجة لفتح عيادات نفسيه لسيطره على مثل هذه الامور0
تحياتي خزامى
المشكله إن العيادات موجوده بس هم مو راضين يقتنعون ان عندهم عقده إسمها الشخبطه ع الجدران ويتعالجون ويريحونا،،

511 شرفتنا بتواجدك الكريم،،



هلآ وغلآ وحلآ..بـــــ صغيرة المراقبين نجد تحبهآ>>سوري من زود شقلبت نكك

خزوومـ وانا اشووف جوالكـ مقفل من اليوم وادق وارسل ولاحياه لمن تنادي واثاريكـ طفشانه وحاطه حرتكـ بالجوال :wallcrash:

هههههههههههه
إيه والله طفشانه من كل أبو شي وحطيت حرتي بالجوال قفلته ورجمته تحت السرير بعد>>أحسن



بس والله لكـ وحشـــه
ماوحشتها لوحش غيركـ،،
>>الزبده وحشتيني،،<قلب ينبض>

انا معك ان الظاهره ذي تطفش وتدل على بيئه غير حضاريه مع ان للاسف الجميع متعلم وواعي بس الشباب او ممكن يكونون اطفال يحبوون لفت الانظار باي وسيله :wavetowel2:وخصوصا اذا كانت مجانيه وماتكلفهم شي والتكاليف كلها بتصير على صاحب الجدار الله يعينه يرووح يصبغه:95:
لكن اتمنى تزول هذه الظاهره وننعم بجدران خاليه من الكتابات :)
خزوومه الله يعطيكـ العافيه على الموضوع

كلامك صح السبب الاول والاخير لفت الانتباه..وآمين الله يسمع منك ويبطلون هالعاده البذيئه،،

ويامال العآفيه ع تواجدكـ..

[المطنوخ]

تصدقين يا خزامى الكتابه على الجدران لها متعه غير طبيعيه
يوم إني صغير تحكني يديني لين أكتب على الجدار
وخصوصاً جدار جارنا الله يذكره بالخير << عقدته تعقيد ،
المشكله إنه يحبني ويحترمني ، ولو يدري أنه أنا يمكن جته جلطه
عموماً هذه مرحله وانتهت ,
بس تصدقين إني شفت هالظاهرة في كل الدول اللي سافرت لها
شكلها ظاهرة عالميه
أهنئك على روعة الطرح وسلالة الأسلوب الممزوج بفكاهه جميله
أهم شي لايلعب عليك الشيطان و تسحبين علينا في الردود .

[خزامى]

نـــآيف البدر،،
شاكره ومقدره مرورك ،، وعليك تنسيق توحفه،،:)

// // //

أبو شقــــــــا،،

حياك الله ..كلام سليم..
الحضارات اللي راحت ع الاقل سجلت إسمها بالتاريخ بــ شيء يشرف مو..شخابيط مالها معنى..

مانننحرم هالمرور،،

// // //

فلو ان هذه الكتابات وضعت على جدران بيوتهم لغضبوا وشتموا ورفعوا كفوفهم بالدعاء
فالواجب حتى نكون من المؤمنين ان نحب لاخواننا ما نحب لانفسنا
اسأل الله ان يصلح الحال عاجل غير اجل ويهديهم للطريق الصحيح
إيه والله إنك صادق هذا طبع الأغلبيه يعطون الحق لأنفسهم بتشويه ممتلكات غيرهم،،ومايرضون يصير لهم هالشي،،
والدليل ع ذلك كد سمعت قصه تقول :

إن فيه مدرسة عيال جدرانها مرررره مشوهه من الشخابيط فقاموا إدارة المدرسه وتقاطوا وضربوها بويه ورسوم وحركات تفتح النفس ..يوم جو من بكره لقوا واحد كاتب ( ع البركه البويه الجديده)......؟
هذا يؤكد ان الدعوه فيها شوية نـــــــــذالــــــــه..مهوب كبت وفراغ وغيره.....


وبالنسبه لــــ تعقيبكـ ع هذي النقطه..


[QUOTE=خزامى;] ما أحب مواضيع النقاش والشيل والحط


كم تمنيت لو انك لم تدلي بهذه العباره
لكن لكل شخص وجهت نظر
ووجهت نظرك نحترمها ونقدرها
وشرفتي القسم بهذه الاطلاله المميزهـ
ويعطيكـ الف عافيه وسلمت يمينكـ من كل مكروه
TRoOok
[/COLOR]
أوووووف شكل مشرف النقاشات زعل علينا،،:(

معكـ حق والله أخوي تروك< فيس مستحي مره>
المفروض أخلي وجهة نظري ذي بــــ عقلي الباطن وما أصرح بها ع الملأ
خلاص أنا أسحب عبارتي المشؤمه ذي..
ولكم مني أنتم رواد النقاشات الجاده موضوع كل شهر هنا في هذا القسم اللذي كني بديت أحبه
>> الظاهر اني خربتها ثانيه
العذر والسموحه.. الشيـــــخ تروووك،،

[خزامى]

أولاً , أحبّ أقول لتس يا خزامى إن أسلوبتس في كتابة الموضوع كان خُرااااافي د4
عليتس أسلوب يفتح النفس للقراية د6
ماعليك زود ،،
وأحب أقولك أشوى إنك مارديت أول واحد ع الموضوع تسان قروا ردك ع بالهم الموضوع ماشاءالله عليك ..¨°o.O ( مسوي حفله) O.o°¨د4
أسهبت وأَيُمَا إسهاب..د6>>متعوب عليها ترى..

ماهوب كُليب لما طعنه جسّاس راح يمّ جدار وقام يآخذ من دمه ويكتب على هاك الجدار أبيات ؟ د6 < جاب الدليل د8
ههههههه.. حجتك باطله يا باريس هو كليب ماكتب لمجرد الشخبطه والمهايط زي هاللي عندنا لا هو كتب بيت شعر يعلم أخوه من اللي ذبحه عشان يروح يثأر له...إنتهى،،


وفي كل جيل راح يكون المراهقين هم الأقلام المُتحركة في جدران الجيل نفسه ..
مايمدينا على هيك ذبه..من وين جبتها..! ماتلعب.. مصطفى العقاد ماجابها>>
فعلاً جمله تختصر الكثير من الشرح ..د4


بس بما إن هالشيء يرفضه مجتمعنا , وغير مسموح به إطلاقاً , لذلك يعمد المراهقون إلى كتابة ما تكنّه صدورهم على الجدران أياً كانت , وبأي طريقة كانت , وبأي أسلوب كان .. كل ذلك لأجل الإنفجاااار والتحرر من الكبت النفسي الذي يعتقده الكثير ..! ..
لا زلت أعتقد ان هاذي مهيب من الكبت والانفجار وغيره بل وســــــــاخه وبس..مع احترامي لكل من مارسها من الاعضاء هنا..د6

¨°o.O ( برايفت لكـ) O.o°¨

لما شفت الخيار اللي يخلي الواحد مخفي عن الاعضاء قلت:
والله ماله داعي هالخيار حاطينه محد بيستخدمه..؟د6
وأشوفك من كم يوم مستعمل هالخيار قلت غريبه وش عنده باريس
يدخل ويطلع متلثم مانشوفه..!>>
يقولون<اللقافه اساس الثقافه:)>
بس ودي ادري..<فيس مستحي ع وجهه>

[خزامى]

ماراح ازيد على كلام الاعضاء قبلي انه فعلا مشكلة نفسية وسوء في التربية
أنا معك يمكن يكون سوء تربيه..بس مشكله نفسيه ..لا..


أوخيتي شكل هوايتك قراءة وحفظ اللي يكتب ع الجدران ماشاءالله،،

أما ذاك اللي كاتب ع المقبره صدق ماعنده عقل..بدل مايكتب انتم السابقون ونحن اللاحقون..
موت وميلاد،، سعدت بتواجدك العطر..كوني بالقرب يا سُكره،،
*****

موضوع كويس من كاتبه كويس
وش دعوه يا ممكن جداً شايفنا هنود،،الله يهديك،،

الكتابات على الجداران ماهي دايما مشكله لان مراهقي حارتنا
كاتبين على ببيت جارنا ( لا للمخدرات)

ههههههههه..ياحليلهم مراهقي حارتكم فيهم خير يسون حملات توعويه،،

مقدره وشاكره تواجدك ممكن جداً..
******
خزامــــــــــــي حطيلهم كاميـــــــــــرا فوق البيت وصيديهـــــــــــــــم

ههههه..يعني أضحك..! يقالك جبتي الحل هلحين يارايقه.. صدق أنا وين وأنتي وين يا برووووقه،،
شاكره مرورك الزريف أوي،،

[باريس]

أيه وصلتني معلومات إن فيه ناس بيغتالوني , عاد ما أزين من اللثمة للتنكرّ د6 ..

بس أحبّ أوضح شيء بخصوص ردكّ على ردي د4 ..

أنا لما قلت : كل ذلك لأجل الإنفجاااار والتحرر من الكبت النفسي الذي يعتقده الكثير ..! ..

يعني ماهوب بالضرورة أكون أنا مٌعتقد بهالشيء ..
بس هذا الأعتقاد موجود حتى في نفس اللي يكتبون على الجدران , بس لو نسألهم ونقول لهم ليش تكتبون , ما راح يكون لهم إجابة إلا هالكلمة وبالتالي راح يعتقدونها وبيعتقدون إنها هي الإجابة الصحيحة والسبب الرئيسي في كتابنهم على الجدران د4 ..

أما السبب الحقيقي اللي أنا ذكرته هو إنهم مُراهقين ويحبّون التمردّ والخروج عن المألوف فقط د4 ..

[خزامى]

مرحبا،،
/
/
ود.ود
وجهة نظرك بس أخالفك فيها بشده وتشنج بعد،،
شاكره ومقدره تواجدكـ العطر..
فاصله خارج النص ،، حيرني نكك إيش تقصدين فيه..!
/
/
خالد الجنتل مان
عسى ما جاك شد عضلي بأصابعك من اللي كتبته>>^_^
ع العموم كلام صح ولاهنت ع المرور يا جنتل مان،،
/
/
غالي الاثمان..
يسلم بؤك ..وتسلم ع تواجدكـ..

[عبدالله B]

بالنسبه للكتابه على الجدران

والمساجد والبقالات


أعتبرها متعه


ومافيها شيء


بالعكس هو المتنفس الوحيد للشباب


انا ولله الحمد أكتب على الجران

ذكريات


عشان تذكروني


ماشفتي اللي كاتب على حمرور


المبني اللي جنب إدارة التربيه والتعليم



إذا طال الزمان ولم ترووني فهذا خط يدي وتذكروني


وبعد


إذر رحتوا للسوق الأبيض ومالقيتوا أغراض


ثم قلتوا نبنروح للسوق القديم

طبعاً بتمسكون الدايري

بتلقوون بيت ابيض


مكتوب عليه


أتحفض على الكتابه


بس والله يعجبوونك


اللي يكتبووووووووون


والله فله

تدري عن الواحد رومنسي وإلا حق مزاااج


يعني اللي كاتب على باب كلية البنات

في منتهى الرومنسيه

والله مسكين


شكله يحب خويته وسحبت عليه


والله بغيت أهل دموع العين

على هذا الموقف

بس والله ياهو *خطاط

ابن الكلب

والله يعجبني خطه


وعلى فكره من المتابعين له ولما يكتب


أسأل الله أن يكثر من أمثاله


ذالك الوغد ةالزاحف


والله يعجبني بكتاباته

وتراه كاتب على إدارة تعليم البنات


اللي على خط الرياض

جنب الدفاع المندي الجديد


وكتب بعد على قفا محطة الرحاب

وفيه واحد أخر

كتب على المربعات البيض اللي على خط الرياض

وكتب على المستشفى بس مسحوها عيال الكلب


*ياهو وإلا قوقل


كككككككككككككككككككككككككككككككككككككككككككككك

[خزامى]

هل تعلمين أخت خُزامـى أنّ[/color][/size]
مشكلة َ الكتابةِ على الجدرآنِ موجودةٌ حتّى في ولاياتِ أمريكآ ..!
قامت بعض البلديات هناك بوضع أسوار مهيأة للشباب هناك للكتابة
ولكن يغرّم من عبث بالجدار ولم يكتب شيئا واضحا أو يرسم لوحة ما
فخرجت جدرانهم بأشكال جميلة
طبعا هذه الروآية رواها لي أحد العائدين من أمريكآ
هذا المفروض اللي لازم يكون فكروا بــ حل يقضي ع المشكله ..
مو مثل بلدياتنا يضربونها بويه كــ حل مؤقت فقط..لاتلبث الا وتعود كما كانت..

فعلا صور جميله..والله فرق..
بس والله هالصوره صورة الهيكل سببت لي رعب كلما جلست بلحالي تخيلتها..<فيس متوحش>

يـــــــــاسر السليس ،، أثريت نقاشنا بتواجدك..شكرا لكـــ..

[خزامى]

مرحبا يالغلا،،
/

يعني مثلاً ممكن ما تكون المشكلة لا كبت ولا هم يحزنون
يمكن مافي مشكلة اصلاً
مجرد ان هالولد معه علبة بخاخ، ولقى قدامه جدار وقام يشخمط مثل ما نشخمط فالورق!
انا معك ان مافيه كبت مجرد لقافه بريئه>>أمحق براءه>>،،
لا فيه فرق.. هو راح يشتري البخاخ خصيصاً لهذا الغرض..مالقاه مجدوع قدامه بالصدفه..

وانه ما تربى على عدم تخريب حاجات الغير
فعادي جداً انه يشخمط في اي مكان يصادف وجود علبة اللون معاه
هذا مربط الفرس..عدم احترام ممتلكات الغير..

فمن الآخر
المشكلة رح تظل قائمة ما دام فيه بخاخات وفيه جدران < لا ياشيخة!
إيقالك جبتي شي جديد يالشيخه..<فيس يقول الحمدلله والشكر>

عاد هذا رايي يا خزوم
عاد بسألك كم مره كتبتي إسمي في ردك...!>> فاهمه التحجير غلط :)
احترم رايك..

فعلى الأقل اللي نقدر نسويه
هو أن كل من قرأ هالموضوع
يربي عياله المستقبليين على احترام ممتلكات الغير
يمكن يمكن يمكن نحصل في النهاية على جدران مستقبليةنظيفة
فعلا هذي أعظم فائده..التربيه التربيه الصح..
اذكر مره من الأمرار كنا في منتزه في جده والله ما يحضرني اسمه الان
المهم كنا نمشي وشفت اب مع ابنائه قام واحدن من عياله
وكان كبير تقريبا 16 سنه كان بيده علبه ياكل منها فيوم خلص رماها فصرخ عليه ابوه قاله:
شيل العلبه يــــــا واد >>لزوم المصداقيه>>
فقام الولد وشالها وهو منحرج..صراحه عجبني تصرف هالأب كثير..

/
/
/نعووووومه تسلم لي هالطله..سعدت بــ تواجدك الذوق..

[خزامى]

مراحب،،
تصدقين يا خزامى الكتابه على الجدران لها متعه غير طبيعيه
يوم إني صغير تحكني يديني لين أكتب على الجدار
أفــــــــــا أجل منتب مطنوخ،،
ودي أدري أي متعه هذي فالشخبطه..؟؟؟ <فيس جاء في باله يجرب يشبط ع الجدران>:)

أهم شي لايلعب عليك الشيطان و تسحبين علينا في الردود

يخسي شيطاني يلعب علي واسحب عليكم اصلاً الشياطين مربطه برمضان،،
/
/
/
المطنوخ،،سعدت بتواجدك ذو النكهه المميزه..كن هنا دائماً،،

[أميرة الورد]

مريت انا مدرسه الدوادمي الثانويه مره ولقيت مكتوب عليها )) العلم نور والنور كهرباء والكهرباء خطر فلماذا نتعلم ((:birgits_giggle: :25:




ههههههههههههههههههههههههههه

والله موضوع حلو

وبصراحه شي يدبل التسبد ما الومك يا خزوومه


ما يحدث لدينا وفي تصوري

هو سلوك عدواني من قبل شباب طائش يحاول من خلاله بث سمومه على المارين

بكتابة امور يخجل المرء من قراءتها

او حتى لفظها حتى المساجد لم تسلم من كتابة ذكرياتهم الفاضحة


وأتوقع إن الفراغ والبطالة احد اهم اسباب تفشي هذه الظاهرة


والله ما أقول غير الله يهديهمـ، ...


تسلمين خزومتي ع هيك موضوع ...

:40:

[مجنونها]

موضوع تشكرين عليه اخت خزامى

بالنسبة لهذه الظاهرة
أنا أعتقد أنها ماعاد هي بظاهرة
لأن الظاهرة تأتي وتزول
هذي أصبحت عادة للأسف :97:

والسبب برأيي مو كبت نفسي ولا شيء
السبب والله التربية الداجه اللي من جنبها
والا لو أهله مربينه مثل الناس ماشفته يشخمط على جدران الغير
أقل شي لامسكت غلط ياخي شخمط على جداركم وشحادك على جدران الناس :97:

<< والله وقسم بالله ماعمره شخمط على جدار أحد ولايحب الشخمطه أصلاً :96:

انا لو القى واحد منهم اعتقد ان بطخه :2gunsfiring_v1:
وان ماقدرت أصيبه بنتحر :russian_roulette:


عموماً
شكراً لكـ ع الموضوع :)

[مفحط بناقته]

http://abcccb.googlepages.com/e9b732914c.gif

اولا

http://www.al-qatarya.org/qtr/qatarya_Gn19mQhjPJ.gif
مشكوره اختي

خزامى

ع

الموضوع الاكثر

من رائع

حقيقه

و

تشكرين

عليه

و

اسلوب

يدل ع رقيك اختي

ثانيا

الكتابه ع الجدران شئ معهود بين

الناس هالزمن

ومايبقى شئ ماكتبوا عليه

مدري وش الحكمه من فعل

هذا الشئ

ثالثا

اقترح اننا يالسعوديه نسوي

مثل امريكا

لهم جدران مخصصه

يكتبون عليها لليل

ويحطووون

الحره في الجدران

لان حرام فيه مساكن جديده

ومحلات ويكتبون عليها

واعتقد هذا من سوء التربيه

وعدم المراقبه من الاهالي

وانصح كل اب وام

ع مراقبة

اولادهم

واخيرا

اشكرك