المساعد الشخصي الرقمي

مشاهدة النسخة كاملة : مو طبيعي هالولد من جد يُمه ...!! ل عبدالكريم المهنا

طفلة
02 / 09 / 2008, 58 : 04 PM
يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!
إنتي من جِدك يا يُمه ...؟!
وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!
والهوى مكتوب من ربك وربي
يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون
مو طبيعي هالولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لك حبيبك
والله نَسَاني حليبك
أي ورب الكون يُمه
يُمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الَّـمّه
سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالولد عمري وربيعي
وفوق هذا صار شاعر ...
كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال ( احبه
هذا مِسكك مو عرق يانور عيني )
قلت ( ادري )
قال ( ياحلوه غرورك ...
وشمس وجهك تكسر عيوني بنورك )
قلت ( كافي )
قال ( شورك )
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه "
وحق من سوى شفاتي للثم شفاهه واشمه
" بس بالسِنة يا يُمه "
جعل عيني فدوت عيونه
وثوبي دون كمه ... بس المه
خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!
وآنا اراه إنه غرامي ... وهو بعد مثلي يراني ...
إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله
قال لي مَرة ( اناظر ...؟! )
قلت ( حاضر
يا الله ناظر )
يوم ناظرني بكيت
ما تحملت الهوى بعيونه السوداء
وشكيت
قال ( ابوسك ...؟! )
قلت ( تعقل ... وإلا احوسك ...؟! )
قال ( انا اقصد على السنة )
قلت ( ليت )
قال ( والله لآخذك قدام اخوك ...
بعد ما تربط يديني في يدينك بأمر ابوك )
قلت ( تبطي ...؟! )
قال ( لا لا )
قلت ( لو ابطيت جيتك )
قال ( يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك )
وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم
ها يا يُمه ...؟!
قولي ( تم )
( ل زيـــد رومـــا _عبدالكريم المهنا_)

منقووول
باريس
02 / 09 / 2008, 37 : 05 PM
كارثة هالآدمي ..

قصايده الظاهر إنها تفطرّ د6 ..

وملاحظ عليه أنا بأكثر من قصيده يتكلم على لسان بنت ..! مدري ليه ؟

بس أنه راعي مزاج هالآدمي واسلوبه في كتابة الشعر عجييب ..

أتمنى من إدارة الدوادمي نت محاولة الوصول له ودعوته للمشاركة معنا هنا أو أستقباله كضيف ..

موفقة يا طفلة د4 ..
رهينة الم ـاضي
02 / 09 / 2008, 26 : 09 PM
رووعه هالقصيده..

سلمت يداكِ عزيزتي طفله ع هالانتقاء العذب..
خزامى
03 / 09 / 2008, 41 : 01 AM
قصيده حلوه ومليئه بالعفويه،،


يسلموا طفـــــــــله،،نقل مميز،،
فكره مجنونه
03 / 09 / 2008, 49 : 12 PM
:95: على ابداعه
وعلى ابداعك ياطفله الامحدود في انتقائك للقصائد
دمتي مميزه
أنوثة حنونة
03 / 09 / 2008, 45 : 02 PM
قَصيدةٌ جَميلة
..سَلمتْ يَداكْ
دُمتَ بـِهَذا الجممال ْوأكَثرْ
طفلة
04 / 09 / 2008, 21 : 04 AM
كارثة هالآدمي ..

قصايده الظاهر إنها تفطرّ د6 ..

وملاحظ عليه أنا بأكثر من قصيده يتكلم على لسان بنت ..! مدري ليه ؟

بس أنه راعي مزاج هالآدمي واسلوبه في كتابة الشعر عجييب ..

أتمنى من إدارة الدوادمي نت محاولة الوصول له ودعوته للمشاركة معنا هنا أو أستقباله كضيف ..

موفقة يا طفلة د4 ..



حلوة تفطر باريس
آسفة والله
بدور لكم قصائد ما تفطر في رمضان ;)

وصح انه كارثة زيد
وياليت تستضيفونة اي والله
طفلة
04 / 09 / 2008, 25 : 04 PM
رهينة الم ـاضي (http://al-dawadmi.com/vb/member.php?u=905)


دُمتَ بـِهَذا الجممال ْوالحضور
ابو سعد 2
04 / 09 / 2008, 16 : 05 PM
شـكــ وبارك الله فيك ـــرا لك ... لك مني أجمل تحية .
طفلة
08 / 09 / 2008, 06 : 03 AM
قصيده حلوه ومليئه بالعفويه،،


يسلموا طفـــــــــله،،نقل مميز،،


يسلمووو الله يخليك
وانتي بعد مرورك يجنن والله
طيب السيره
09 / 09 / 2008, 54 : 02 AM
أمتعتينا بهاذه القصيده الله يعطيكي ألف عافيه أختي طفله

والله لا يحرمنا من مواضيعك الجميله بس عندي سؤال فضوووولي

منهو عبدالكريم المهنا


تقبليـــ مرووووريـــ

طيب السيرهــ

:shades:
نعم لا
09 / 09 / 2008, 01 : 03 PM
سوري طفلة


بس هل هاذي قصيدة؟؟


سخيفة وجداً مبتذلة
ولا أشعر أنها شعر أبداً


وأكثر ما يغث فيها أنها على لسان فتاة!

أصحاب العقول في راحة فعلاً

أنا أنتقد النص يا عزيزتي فقط
طفلة
09 / 09 / 2008, 38 : 09 PM
:95: على ابداعه
وعلى ابداعك ياطفله الامحدود في انتقائك للقصائد
دمتي مميزه


فكرة مجنونة
شكراً والله كثير
احرجيني عنوني والله
طفلة
11 / 09 / 2008, 31 : 10 PM
قَصيدةٌ جَميلة
..سَلمتْ يَداكْ
دُمتَ بـِهَذا الجممال ْوأكَثرْ


أنوثة حنونة
تسلمين دنيا وآخرة حبيبتي
الله يعطيك العافيه
طفلة
13 / 09 / 2008, 45 : 09 PM
شـكــ وبارك الله فيك ـــرا لك ... لك مني أجمل تحية .


ابو سعد 2
العفو اخوي
وتحيتك حلوة ومشكور عليها والله
سآروليزا
14 / 09 / 2008, 48 : 07 AM
ياااااااااي
تجننننننن وربـي روووعـه
يسلمـو خيتووووو عـالقصيده الخوقإأإقيـه
عوإأفـي .. }
طفلة
15 / 09 / 2008, 53 : 03 AM
أمتعتينا بهاذه القصيده الله يعطيكي ألف عافيه أختي طفله

والله لا يحرمنا من مواضيعك الجميله بس عندي سؤال فضوووولي

منهو عبدالكريم المهنا


تقبليـــ مرووووريـــ

طيب السيرهــ

:shades:


طيب السيره

منور الموضوع
وبالنسبة لإستفسارك من عبدالكريم المهنا ؟؟
والله مقدر افيدك كثير
اللي اعرفة انه شاعر ولقبه زيد روما وله دواوين وروايات على ما اضن
ومن شقراء او الدوادمي

وبس
يارب اكون جبت لك شي من سؤالك
طفلة
16 / 09 / 2008, 02 : 07 AM
سوري طفلة


بس هل هاذي قصيدة؟؟


سخيفة وجداً مبتذلة
ولا أشعر أنها شعر أبداً


وأكثر ما يغث فيها أنها على لسان فتاة!

أصحاب العقول في راحة فعلاً

أنا أنتقد النص يا عزيزتي فقط


نعم لا

والله مدري وش اقول لك
بس يمكن معك حق واعتذر لك
كان ودي اني اجيب شي يعجب الجميع
لكن ان شاء الله المرة الجاية يعجبك مجيوبي
<<< منحرجة والله مرة
طفلة
22 / 09 / 2008, 48 : 08 AM
سوري طفلة


بس هل هاذي قصيدة؟؟


سخيفة وجداً مبتذلة
ولا أشعر أنها شعر أبداً


وأكثر ما يغث فيها أنها على لسان فتاة!

أصحاب العقول في راحة فعلاً

أنا أنتقد النص يا عزيزتي فقط

اهلين نعم لا
حتى لو القصيدة سخيفة وذوقي سخيف , انت بذوقك الحلو وكلاماتك الطيبة تكفي عن سخافة ذوقي وسخافت القصيدة
يسلموووو والله
طفلة
24 / 09 / 2008, 02 : 09 AM
ياااااااااي
تجننننننن وربـي روووعـه
يسلمـو خيتووووو عـالقصيده الخوقإأإقيـه
عوإأفـي .. }
سآروليزا ولا منك يا خقوقة